Почитувани членови на ИСОС,
 

Ве известуваме дека Правилникот за начин и постапка за добивање на уверение за сметководител и овластен сметководител и упис во регистар, по одлука на Уставниот суд е укинат.
 
Одлуката е укинувачка и согласно член 82 од „Актот на Уставниот Суд на Република Северна Македонија“ истата има правно дејство од моментот кога е донесена, односно објавена во Службен весник на Република Северна Македонија.
 

Оттука, остануваат на сила сите дејствија кои произлегле од Правилникот, а се поврзани со издадени уверенија за сметководител и овластен сметководител, лиценци за вршење на сметководствени работи на правни лица и уписи во регистрите на ИСОС.
 

До донесување на соодветен акт, постапките ќе се спроведуваат согласно Законот за вршење на сметководствени работи и Статутот на ИСОС.
 
Превземете го соопштението
 
Скопје, 01.11.2024
Со почит,
Весна Прентоска
Претседател на ИСОС