ЗA ИНСТИТУТОТ
Институт на сметководители и овластени сметководители на Република Македонија (ИСОС)
Сметководителите и овластените сметководители на територијата на Република Македонија се организираатво Институт на сметководители и овластени сметководители на Република Македонија (ИСОС).
Институтот е професионално здружение на сметководители и овластените сметководители основано согласно Законот за вршење на сметководствени работи и е основан со цел унапредување на сметководствената професија и организирано делување на сметководителите и овластените сметководители на територијaта на Република Македонија.
Институтот е независна, неполитичка и непрофитна организација, во која членуваат сметководители и овластените сметководители, без оглед на нивната национална, верска, расна и друга припадност.
Претседател на ИСОС
Весна Прентоска
Вршител на должност-Претседател
Институт за сметководители и овластени сметководители на РСМ
e-mail: vesnap@isos.com.mk
Тел: +389 2 3200 030
+389 76 776 777
Управен одбор
Надзорен одбор
Надзорниот одбор го сочинуваат претседател и четири члена со мандат од три години. Членовите на Надзорниот одбор не можат да бидат членови на други органи и комисии на Институтот. Надзорниот одбор одлуките ги донесува со јавно гласање и со мнозинство гласови од присутните членови.
Надлежности на Надзорниот одбор:
– периодични контроли на материјалното и финансиското работење на Институтот,
– ги избира и отповикува претседателот и членовите на Управниот одбор по претходно позитивно мислење од Министерот за финансии,
– ја разгледува годишната програма за работа и развој и годишниот финансиски план на Институтот и дава мислење по истата до Собранието,
– ја разгледува годишната сметка и годишниот извештај за работа на Институтот и дава мислење по истата до Собранието.
– го одобрува деловникот за работа на Управниот одбор,
– ги разгледува извештаите за работењето на Управниот одбор,
– врши контрола над работењето на Институтот согласно Закон, Статут и другите акти на Институтот,
– предлага мерки кои треба да бидат преземени за спроведување и отстранување на неправилностите и незаконитостите во работата на Институтот,
– поднесува извештај за своето работење до Собранието на Институтот и до Министерот за финансии заради нивно информирање и
– во случај на отповикување на претседателот и членовите на Управниот одбор, Надзорниот одбор по можност веднаш, а најдоцна во рок од 15 дена од денот на отповикувањето, избира нов претседател и нови членови на Управниот одбор.
Собрание
Комисии
Институтот на сметководители и овластени сметководители согласно член 15 од ЗВРС, заради вршење на работите од својот делокруг ги формира следните комисии:
1) Дисциплинска комисија
2) Комисија за стандарди за финансиско известување
3) Комисија за образование, обука и публикации
